Մոսկվայի հարավում տեղի ունեցած պայթյունի հետևանքով զոհվել է երեք մարդ, այդ թվում՝ ճանապարհային ոստիկանության երկու աշխատակից: Այս մասին հայտնում են ՌԴ Քննչական կոմիտեից:
«Ճանապարհային ոստիկանության երկու աշխատակիցներ կասկածելի անձ են նկատել ոստիկանության ծառայողական ավտոմեքենայի մոտ։ Երբ մոտեցել են նրան, գործի է դրվել պայթուցիկ սարք։ Ստացված վնասվածքների հետևանքով ոստիկանության երկու աշխատակիցներ, ինչպես նաև ոստիկանների կողքին գտնվող անձը զոհվել են»,- ասվում է հայտարարության մեջ։ Հարուցվել է քրեական գործ։
