Ֆուտբոլի Հայաստանի չեմպիոն եւ գավաթակիր «Նոան» Կոնֆերենցիաների լիգայի անցումային փլեյ-օֆֆի առաջին խաղում ընդունեց հոլանդական «ԱԶ Ալկմարին»։
Երեւանի Վազգեն Սարգսյանի անվան «Հանրապետական» ստադիոնում տեղի ունեցած խաղում 1:0 հաշվով հաղթեց երեւանյան թիմը։
53-րդ րոպեին գեղեցիկ գոլով աչքի ընկավ 35-ամյա պաշտպան Հովհաննես Համբարձումյանը (տեսանյութ)։ Նրան գոլային փոխանցում կատարեց 28-ամյա պորտուգալացի հարձակվող Հելդեր Ֆերեյրան։
Հանդիպմանը տրիբունայից հետեւում էին նաեւ խառը մենամարտերի աստղ Արման Ծառուկյանը, ըմբշամարտի Հայաստանի հավաքականի առաջատարներ Արթուր Ալեքսանյանը, Մալխաս Ամոյանը եւ Արսեն Հարությունյանը։
Պատասխան հանդիպումը տեղի կունենա փետրվարի 26-ին։
