Բոլոր այն ենթակառուցվածքները, որոնք կապ կհաստատեն Ադրբեջանի հետ, կկառուցվեն, կգործարկվեն, կվերագործարկվեն ՀՀ տարածքում և կմնան, կգործեն ՀՀ լիարժեք իրավազորության շրջանակներում և ներքո, ԱԺ-ում այս մասին հայտարարեց ՀՀ արտգործնախարար Արարատ Միրզոյանը։
«Որքան էլ խոսենք տարանցիկ փոխադրումների մասին, մշտապես հարց կա, թե որոնք են այն երաշխիքները, որոնք պետք է երաշխավորեն Հայաստանի և Ադրբեջանի միջև խաղաղությունը։ Ես միշտ հիշում եմ բազմաթիվ խաղաղություններ, որոնք գրված երաշխավորների խումբ են ունեցել և չեն գործել։ Համոզված եմ, որո բոլոր իրական խաղաղությունները խաղաղություն են և մնում են այնքանով, որքանով դա շահավետ է կողմերի համար, ոչ թե պայմանական երաշխավորների։ Քանի դեռ մեր խաղաղությունը շահավետ կլինի Հայաստանի և Ադրբեջանի համար, այդ խաղաղությունը կշարոնակի գործել»,-ասաց Արարատ Միրզոյանը։
Նրա խոսքով՝ մեծ չափազանցություն կլինի ասել, թե Հայաստանի և Ադրբեջանի միջև բոլոր հարցերը հարթված են և ամեն ինչ անամպ է։
