Ներքաղաքական առումով ունենք ունիկալ իրավիճակ. Հայաստանի պատմության մեջ չեմ հիշում որևէ ընտրություն, որտեղ նախընտրական պայքարի ժամանակ հարցեր լինեին հետևյալ բովանդակությամբ՝ Արարա՞տ, թե՞ Արագած, երբեք խոսք չի եղել ազգային ինքնությունը պաշտպանելու մասին, եկեղեցու միասնությունը պաշտպանելու մասին, լրագրողների հետ հանդիպմանն ասաց ՀՀ երկրորդ նախագահ Ռոբերտ Քոչարյանը։
«Ֆունդամենտալ հարցերի շուրջ տարբեր բևեռներում գտնվող մարդկանց մոտ խոսույթը գրեթե նույնն է։ Սա նշանակում է, որ ընդդիմադիր հատվածի համար կա բավական լուրջ դաշտ համագործակցության համար։ Սա ևս մի հանգամանք է, որը ավելի մեծ լավատեսություն է հաղորդում, որ հնարավոր է ձևավորել խոշոր նախընտրական բլոկներ»,-ասաց Ռոբերտ Քոչարյանը։
