Ո՞վ ամենամեծ տնտեսական փորձն ունի այսօրվա քաղաքական հայ գործիչներից, Հանրային հեռուստաընկերության եթերում այսպիսի հարցադրում է արել «Մեր ձևով» շարժման համակարգող Նարեկ Կարապետյանը։
Նա ներկայացրել է «Տաշիր» ընկերությունների խմբի նախագահ Սամվել Կարապետյանի տնտեսական գործունեության աշխարհագրությունը՝ նշելով, որ Կարապետյանի ներդրումները տարածվում են 3-4 տարածաշրջանում։
«Դա Հունաստանն է, Արաբական Միացյալ Էմիրությունները և Եվրասիական տնտեսական միությունը, նաև Հայաստանի ամենամեծ ներդրողն է»,- մանրամասնել է նա։
Կարապետյանի խոսքով՝ 3 միլիոն հայ ապրում է Հայաստանում և, տարբեր գնահատականներով, 4-6 միլիոն հայ Հայաստանից դուրս, և այդ ռեսուրսն իրենք օգտագործելու մեծ պոտենցիալ ունեն և չօգտագործելու իրավունք չունեն։
«Այդ իսկ պատճառով՝ փետրվարի 12-ին կտեսնեք, թե Հայաստանի Հանրապետության համար զարգացման ինչ ճանապարհ ենք առաջարկում»,- նշել է Կարապետյանը։
