«Առավոտվանից համատարած խուզարկություններ են սկսվել ինչպես ՀԷՑ-ի աշխատակիցների, այնպես էլ տարբեր քաղաքացիների բնակարաններում, ովքեր, ըստ վարույթն իրականացնող մարմնի, մասնակցել են հուլիսի 4-ին տեղի ունեցած հավաքին»,- «Նյուզ»-ի հետ զրույցում ասաց փաստաբան Լուսինե Մարտիրոսյանը։ Նա հայտնեց, որ խուզարկությունից անմիջապես հետո 10 անձի բերման են ենթարկել քննչական բաժին, այդ թվում՝ Տաշիրից։
Փաստաբանն ասաց, որ բերման ենթարկելու պատճառ են հանդիսանում նաև ինչ-որ ձայնագրություններ՝ սոցիալական կայքերից։
