«Հիմա ոչ մի երաշխիք չկա խաղաղության. սա ընդամենը նախընտրական զինադադար է, որն Ալիևը կնքել է ՀՀ-ի հետ՝ մեկ նպատակով, որ ՀՀ-ում ամրապնդի Փաշինյանի իշխանությունը»,- լրագրողների հետ զրույցում ասաց ՀԱԿ փոխնախագահ Լևոն Զուրաբյանը՝ անդրադառնալով հայ-ադրբեջանական հարաբերություններին:
«Չնայած մեր բոլոր զիջումներին, չնայած հանգամանքին, որ ընդունել ենք ամեն ինչ, ինչ թելադրել են, Ադրբեջանն իր վերջնական ստորագրությունը խաղաղության պայմանագրի տակ չի դնում. դա ունի բացատրություն՝ մեծ հաշվով Ադրբեջանը դեռ փայփայում է Սյունիքի անեքսիայի հույսը»,- ասաց ՀԱԿ փոխնախագահ Լևոն Զուրաբյանը՝ հավելելով, որ նրանք ծրագրում են դա, նրանց հայատյաց պրոպագանդան խոսում է դրա մասին:
