Հայաստանը, որը «սառեցրել» է ՀԱՊԿ-ին անդամակցությունը, պետք է սթափ նայի իր անվտանգության ապահովման հնարավորությանը, այդ թվում հավաքական ձեւաչափով։ «ՌԻԱ Նովոստիի» հարցազրույցում այսպիսի կարծիք է հայտնել ՌԴ ԱԳ փոխնախարար Ալեքսանդր Պանկինը։
Նա ավելացրել է, որ Երեւանի կողմից ՀԱՊԿ մուծում չկատարելու իրավիճակը կարող է քննարկվել 2025թ. դեկտեմբերի 31-ից հետո, սակայն հարցական է մնում, թե ինչ ուղղությամբ կընթանա քննարկումը։
«Բոլորն են հասկանում, որ Հայաստանը, որը սառեցրել է, ինչպես ասում են, իր անդամակցությունը ՀԱՊԿ-ին, չի մասնակցում որոշումների կայացմանը, բայց չի խանգարում դրան, այնուամենայնիվ, հավանաբար, պետք է սթափ մտածի իր անվտանգությունն ապահովելու հնարավորությունների մասին, այդ թվում՝ ՀԱՊԿ կոլեկտիվ ձեւաչափում։ Որոշումը, ամեն դեպքում, կախված կլինի Հայաստանի իշխանություններից»,- նշել է Պանկինը։
