«Ռուսական և ուկրաինական զորքերը պետք է կանգ առնեն ներկայիս առաջնագծի վրա». Թրամփ

ԱՄՆ նախագահ Դոնալդ Թրամփը կարծում է, որ ռուսական և ուկրաինական ուժերը պետք է դադարեցնեն ռազմական գործողությունները և կանգ առնեն շփման ներկայիս գծում։ Այս մասին նա հայտարարել է հոկտեմբերի 19-ին` լրագրողներին հետ զրույցի ժամանակ։
Թրամփը վստահեցրել է, որ հոկտեմբերի 17-ին Վլադիմիր Զելենսկու հետ հանդիպման ժամանակ չի քննարկել Դոնբասի վերահսկողությունը Ռուսաստանին հանձնելու հետ կապված հարցերը, ապա հավելել. «Թող բաժանեն այն այնպես, ինչպես կա հիմա։ Կարծում եմ՝ տարածքի 78%-ն արդեն վերցված է Ռուսաստանի կողմից։ Թող այդպես մնա։ Նրանք կարող են ինչ-որ բանի շուրջ համաձայնության գալ ավելի ուշ»։