ՌԴ ՊՆ-ն՝ տեղի ունեցած իրադարձությունների մասին

Կիևի ռեժիմը, հակառակ բոլոր հայտարարությունների, բազմապատկել է Ռուսաստանի էներգետիկ օբյեկտների վրա հարձակումների թիվը։ Այս հայտարարությունը տարածել է ՌԴ պաշտպանության նախարարությունը:

«Ապրիլի 4-ի առավոտից Կիևի ռեժիմը, ի հեճուկս բոլոր հայտարարությունների և ռուսական էներգետիկ օբյեկտներին հարվածները 30 օրով դադարեցնելու մասին (Վլադիմիր) Զելենսկու ստանձնած պարտավորությունների, բազմապատկել է միակողմանի հարձակումների թիվը՝ օգտագործելով անօդաչու թռչող սարքեր և հրետանային զինամթերք Ռուսաստանի տարածաշրջանների էներգետիկ ենթակառուցվածքների վրա», — ասվում է Ռուսաստանի ռազմական գերատեսչության հաղորդագրության մեջ:

ՊՆ-ում պարզաբանել են, որ անցած օրվա ընթացքում Կիևը 14 անգամ հարձակվել է ռուսական էներգետիկ ենթակառուցվածքների օբյեկտների վրա։ Հարձակումներն իրականացվել են Բրյանսկի, Բելգորոդի, Սմոլենսկի, Խերսոնի, Վորոնեժի և Լիպեցկի մարզերի, ինչպես նաև ԼԺՀ-ի օբյեկտների վրա։