Կան գործընկերներ, որոնք գնահատականներ ունեն, որ Ռուսաստանը Հայաստանի դեմ հիբրիդային պատերազմ է վարում։ Այս մասին Քաղաքացիական պայմանագիր» կուսակցության 7-րդ համաժողովից հետո, լրագրողների հետ ճեպազրույցում ասել է ՀՀ վարչապետ Նիկոլ Փաշինյանը:
«Ցավոք, ռուսական մի շարք հեռուստաալիքներ կամ առանձին վերցրած բանախոսներ այդպիսի տրամաբանություն զարգացնում են։ Բայց ես այդպիսի տրամաբանությամբ չեմ դիտարկում մեր հարաբերությունները։ ՌԴ նախագահի հետ մեր երկխոսությունը շատ բարձր եմ գնահատում և շատ կարևոր է։ Տրանսֆորմացիան, որը տեղի է ունենում, շատ կարևոր է և շատ կառուցողական է, որովհետև մենք քննարկում ենք բաց, ազնիվ, գործընկերային մթնոլորտում։
Եվ իմ կարծիքով բազմաթիվ խնդիրների արանքում թվում է, թե կարող էին բարդություններ առաջացնել, մենք գտել ու գտնելու ենք լուծումներ, սրա համար կարևոր է անձնական փոխվստահությունը, որ մենք ունենք ՌԴ գործընկերների հետ»,-ասել է Փաշինյանը։
