Ռուսաստանը շահագրգռված է ինքնիշխան և հզոր Հայաստանի գոյությամբ։ Այս մասին հայտարարել է Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինը։
Դեսպանի խոսքով՝ հայ և ռուս ժողովուրդների բարեկամությունը ձևավորվել է դարերի ընթացքում և փոխանցվել սերնդեսերունդ։ Նա նշել է, որ այդ հարաբերությունները կերտվել են համատեղ հաղթանակների և ստեղծարար աշխատանքի շնորհիվ։
Կոպիրկինը ընդգծել է նաև, որ երկու ժողովուրդների միջև կապերը ամրապնդվել են մարդկային սերտ շփումների միջոցով, ինչը հիմք է ծառայել փոխադարձ վստահության զարգացման համար։
ՌԴ դեսպանը վերահաստատել է, որ երկկողմ հարաբերությունների ամրապնդումը շարունակում է մնալ կարևոր ուղղություն։
