Աֆրիկյան Բուրկինա Ֆասոյում գտնվող ռուս զինվորականները կուղարկվեն Կուրսկի մարզ՝ Ուկրաինայի զինված ուժերի հարձակումը զսպելու համար: Այս մասին հայտնում է Le Monde-ը։
Նշվում է, որ մայիսին երկրի մայրաքաղաք Ուագադուգու ժամանած մոտ 100 հոգանոց բրիգադի մարտիկներն ապահովել են մի շարք առանցքային դեմքերի, այդ թվում, հավանաբար, խունտայի ղեկավար, կապիտան Իբրահիմ Տրաորեի պաշտպանությունը: Այժմ նրանք հեռանում են Բուրկինա Ֆասոյից։«Նրանց մեկնելու պաշտոնական պատճառը, ժամանումից ընդամենը երեք ամիս անց, ռուսական պաշտպանական ջանքերին մասնակցությունն է ուկրաինական բանակի հարձակման դեմ, որը սկսվել է օգոստոսի 6 — ին Կուրսկի շրջանում», — ասվում է հրապարակման մեջ:
Նշվում է որ այդ բրիգադները հերքում են ՌԴ Պաշտպանության նախարարության հետ կապը։ Պարբերականի տվյալներով, սակայն, վկայություններ կան ռուսական պաշտպանական գերատեսչության որոշ ղեկավարների հետ շփումների մասին։
