Հայաստանի՝ Եվրոպական միության հետ արագացված մերձեցումը բացասական հետևանքներ կունենա թե՛ Ռուսաստանի հետ դաշնակցային հարաբերությունների, թե՛ ողջ հետխորհրդային տարածքում ինտեգրացիոն գործընթացների զարգացման վրա։ Այդ մասին ՏԱՍՍ-ին տված հարցազրույցում հայտարարել է ՌԴ ԱԳՆ եվրոպական խնդիրների դեպարտամենտի տնօրեն Վլադիսլավ Մասլեննիկովը։
Մեկնաբանելով Երևանի՝ Եվրամիությանն անդամակցելու մտադրությունը՝ նա նշել է, որ հաշվի առնելով ԵՄ-ի արագ վերափոխումը ագրեսիվ ռազմաքաղաքական բլոկի և Ռուսաստանի հետ առճակատմանն ուղղված նրա ռազմավարական կուրսը՝ «Հայաստանի հետաքրքրությունը այս կազմակերպությանն անդամակցելու նկատմամբ չի կարող չառաջացնել մտահոգություն»։
«Հույս ունենք, որ Հայաստանը՝ որպես Եվրասիական տնտեսական միության անդամ պետություն, գիտակցում է Բրյուսելի հետ արագացված մերձեցման հնարավոր բացասական հետևանքները՝ ինչպես մեր դաշնակցային հարաբերությունների, այնպես էլ հետխորհրդային տարածքում ինտեգրացիոն գործընթացների զարգացման համար»,- ընդգծել է Մասլեննիկովը։
