Վենեսուելայի Բոլիվարյան ազգային զինված ուժերը (FANB) փրկել են Ամազոնաս նահանգի ջունգլիներում ռազմական ինքնաթիռի կործանումից հետո ողջ մնացած երեք մարդու, հաղորդում է VTV պետական հեռուստաալիքը։
«FANB-ին հրաշքով հաջողվել է փրկել ինքնաթիռում գտնվող երեք մարդու», — ասվում է հաղորդագրության մեջ։
AMB4292 գրանցման համարով Caravan ինքնաթիռը անհետացել է ռադարներից Պուերտո Այակուչո քաղաքից թռիչքից կարճ ժամանակ անց։ Նահանգապետ Միգել Ռոդրիգեսը հայտարարել է, որ ինքնաթիռում, որը պատկանում էր Բոլիվարյան Հանրապետության ռազմաօդային ուժերի 9-րդ տրանսպորտային ավիացիոն խմբին, եղել է առնվազն 10 մարդ, այդ թվում՝ բժշկական անձնակազմ, անձնակազմի անդամներ և բնիկ յանոմամի ժողովրդի ներկայացուցիչներ (նրանք տուն էին վերադառնում բժշկական զննում անցնելուց հետո)։
Նախնական տեղեկությունների համաձայն՝ վթարի պատճառը կարող էր լինել տեխնիկական անսարքությունը։
Վթարի վայրում շարունակվում է փրկարարական գործողությունը։ Հեռուստաալիքը ցուցադրել է զոհերից մեկի տարհանման կադրեր, որին ուղղաթիռով տեղափոխել են պատգարակով։ Մյուս ուղևորների ճակատագիրը դեռևս պարզվում է։
NEWS.a
