Այս ընտրությունների արդյունքները փաստում են, որ ՀՀ-ում ժողովրդավարությունն իսկապես արմատանում և անշրջելի իրողություն է դառնում, լրագրողների հետ զրույցում հայտարարեց Առողջապահության նախարար Անահիտ Ավանեսյանը։
«Մենք 2021 թվականի համեմատությամբ ավելի շատ ձայն ունենք հավաքած, բայց արդյունքները, իհարկե, մեզ չեն գոհացնում և վստահաբար «Քաղաքացիական պայմանագիր» կուսակցությունը, մանրամասն վերլուծելով, հետևություններ անելով, կպատրաստվի հաջորդ ընտրություններին», — ասաց նա։
Հարցին՝ կիսո՞ւմ է իր թիմակից Վիլեն Գաբրիելյանի կարծիքը, թե 2026 թվականին ՀՀ-ում իշխանությունը փոխվելու է՝ Ավանեսյանը նշեց.«Չեմ կիսում։ Մեզ վստահություն է ներշնչում այն, որ մեր կառավարությունն իրագործում է տված խոստումները և մեր քաղաքացիների կյանքը դեպի բարելավում է տանում։ Միանշանակ ՔՊ-ն հավակնում է 2026 թվականին ևս իշխանության գալ»։
