44-ամյա Քիմ Քարդաշյանը խոստովանել է, որ պատրաստ է կրկին ամուսնանալ։ Նա ուներ կատարյալ ծրագիր՝ լեգենդար ֆրանսիացի դիզայներ Մանֆրեդ Թիերի Մյուգլերի հարսանեկան զգեստ, որը, ցավոք, չստեղծվեց մինչև նրա մահը՝ 2022 թվականի հունվարին։
«Call Her Daddy» փոդքասթին տված հարցազրույցում Քիմը բացահայտել է, որ ցանկանում է, որ զգեստը մնա իր արխիվում, «եթե» երբևէ գտնի այդ հատուկ մեկին։ «Մենք պարզապես խոսում էինք դիզայնի մասին, և նա ասաց, որ կսկսենք այն պատրաստել։ Եվ ես ասացի. «Պարզապես վստահիր ինձ։ Ես ուզում եմ, որ այն իմ արխիվում լինի միայն մեկ օրով։ Ես ուզում եմ պատրաստ լինել»», — անկեղծացել է Քիմը։
Քարդաշյանը երկարատև ստեղծագործական կապ ուներ Մյուգլերի հետ. հենց Մյուգլերն է ստեղծել նրա կերպարը 2019 թվականի Met Gala-ի համար՝ դիզայների առաջին նոր աշխատանքը 20 տարվա ընթացքում։ Քիմը նաև վինտաժային Mugler զգեստներ է կրել կարմիր գորգին և սոցիալական ցանցերում։
Ավելին, Քիմի 12-ամյա դուստրը՝ Նորթ Ուեսթը, ասում է, որ երազում է կրկին տեսնել մորը հարսանիքին և նույնիսկ կատակում է, որ ժամանակն է, որ Քիմը «ամուսնանա, քանի դեռ ուշ չէ»։ «Նա անընդհատ հարցնում է ինձ. «Ո՞վ քեզ որևէ մեկի հետ կծանոթացնի։ Ի՞նչ ենք անելու»։ Եվ ես ասում եմ. «Վերջ տուր, ես պարզապես հանգստանում եմ»», — ասել է աստղը։
Քիմը պարզաբանել է, որ իր ապագա զգեստը և հարսանիքը կախված է այն մարդուց, ում հետ կորոշի կապել կյանքը։ Եվ չնայած նա կատակով նշել է ինչ–որ «սուպեր քեժուալ» գաղափարի մասին, այժմ արդեն պարզ է. Mugler զգեստը կմնա նրա երազանքը հնարավոր չորրորդ հարսանիքի համար։
