Oragir.News-ի տեղեկություններով՝ օրերս արտառոց դեպք է տեղի ունեցել Սյունիքի մարզում։
ԶՊՄԿ աշխատակիցների գործադուլի ժամանակ դանակահարել են Քաջարանի քաղաքապետ Մանվել Փարամազյանին։
Միջադեպը տեղի է ունեցել, երբ վերջինս գնացել է աշխատակիցների հետ զրուցելու, նրանց հանգստացնելու, սակայն Փարամազյանի մեծ-մեծ խոսքերը դուր չեն եկել գործադուլ հայտարարած աշխատակիցներին, ինչն էլ դարձել է վիճաբանության, ապա դանակահարության պատճառ։
Նշենք, որ Մանվել Փարամազյանը, ով իբրև թե «Հայաստան» դաշինքի ներկայացուցիչ է, շատ ջերմ հարաբերություններ ունի ՔՊ-ի հետ։ Նա բազմիցս խոսել է իր և Սյունիքի մարզպետի ընկերական հարաբերությունների մասին, դե իսկ Փաշինյանի կնոջը՝ Աննա Հակոբյանին, ոչ միայն շքեղ ծաղկեփնջով է դիմավորում, այլև ըստ որոշ տեղեկությունների, հանդիսանում է Աննա Հակոբյանի բիզնես հետաքրքրությունների ներկայացուցիչը Քաջարանում, ինչին առաջիկայում կանդրադառնանք։
