Ռուսաստանի նախագահ Վլադիմիր Պուտինը երկուշաբթի օրը Սանկտ Պետերբուրգում կհանդիպի Հայաստանի վարչապետ Նիկոլ Փաշինյանի հետ, հայտնում է Ռուսաստանի նախագահի մամուլի քարտուղար Դմիտրի Պեսկովը։
«Բազմակողմ միջոցառումից հետո Պուտինը դեռևս պլանավորում է երկկողմ հանդիպում անցկացնել Հայաստանի վարչապետ Փաշինյանի հետ», — լրագրողներին ասել է նա։
Պեսկովի փոխանցմամբ՝ Պուտինն ասել է, որ այսօր շարունակում է աշխատել ԱՊՀ երկրների պետությունների և կառավարությունների ղեկավարների հետ։ Միջոցառումները կսկսվեն Պետական Էրմիտաժ թանգարանում, որտեղ մասնակիցները կարճ շրջայց կկատարեն։ Դրան կհաջորդի գագաթնաժողովը՝ գործնական օրակարգով, որից հետո պետությունների ղեկավարները կշարունակեն քննարկումները ոչ պաշտոնական նախաճաշի շուրջ։
