Մենք արդեն ունենք համաձայնեցված հոդված, որտեղ ասվում է՝ «կողմերից որևէ մեկը չի կարող հղում անել իր ներքին օրենսդրությանը այս պայմանագրով ստանձնած պարտավորությունը չկատարելու համար»: Այս մասին հայտնել է ՀՀ վարչապետ Նիկոլ Փաշինյանը՝ պատասխանելով ՀՀ Սահմանադրությունը փոխելու Ադրբեջանի պահանջի և խաղաղության պայմանագրի մասին հարցին:
«Մենք արդեն ունենք համաձայնեցված հոդված, որտեղ ասվում է՝ «կողմերից որևէ մեկը չի կարող հղում անել իր ներքին օրենսդրությանը այս պայմանագրով ստանձնած պարտավորությունը չկատարելու համար»: Մեկ այլ հատվածում արձանագրվում է, որ ՀՀ–ն և Ադրբեջանը ճանաչում են միմյանց տարածքային ամբողջականությունը, չունեն միմյանց նկատմամբ տարածքային պահանջներ և պարտավորվում են ապագայում նույնպես չառաջադրել տարածքային պահանջներ: Եվ հետևաբար մենք այս հարցը պայմանագրային համակարգում համարում ենք լուծված»,– ասել է Փաշինյանը:
Փաշինյանը մեջբերել է նաև մեկ այլ հատված, նշելով. «ՀՀ Սահմանադրության 5-րդ հոդվածի 3-րդ կետում ասվում է, որ ՀՀ–ում վավերացված միջազգային պայմանագրերը ունեն գերակա ուժ ներքին օրենսդրության նկատմամբ»:
