«Ապրելու երկիր» կուսակցության քաղաքական խորհրդի անդամ Դավիթ Մանուկյանի ֆեյսբուքյան գրառումը. «Չպետք է թույլ տալ, որպեսզի ՔՊ-ն, որևէ սցենարով կարողանա ստանձնել Գյումրու կառավարումը:
Բոլորը պետք է իրենց անձնական ամբիցիաները դնեն մի կողմ և գնան որոշակի զիջումների։ Հեչ պարտադիր չէ, որ քաղաքապետ լինի Վարդան Ղուկասյանը կամ Մարտուն Գրիգորյանը՝ նրանք կարող են իրենց հաջորդ համարներից մեկի շուրջ գալ համաձայնության։
Ընտրեք ձեր ցուցակների մեջից մեկին՝ մաքուր, նորմալ, խելացի մարդու, վստահ եմ կգտնեք, նրա շուրջը եկեք համաձայնության և բոլորով սատար կանգնեք, որպեսզի կարողանա աշխատել և զարգացնել Գրումրին։ Ցույց տվեք ժողովրդին, որ սա ոչ թե աթոռակռիվ է, այլև պայքար՝ հանուն համայնքի, ժողովրդի և պետության։ Մյուս կողմից, ձեր կառավարմամբ ապացուցեք, որ իշխանությունները չեն կարողանում ճիշտ կառավարել և զարգացնել համայնքը։
Շեշտում եմ նորից՝ անհրաժեշտ է, որպեսզի ընդիմությունը միասնաբար սատար կանգնի ընդիմադիր համայնքապետին, որպեսզի նա կարողանա աշխատել, այլապես, ով էլ լինի համայնքապետ՝ լինելու է շատ թույլ և ոչինչ չի կարողանալու անել՝ իր փոքրամասնություն կազմող ավագանիներով։
Հակառակ բոլոր դեպքերում շահելու են իշխանությունները. Կամ լինելու է համայնքապետ իշխանությունից, կամ գնալու է արտահերթ ընտրություններ, կամ էլ լինելու է ընդիմադիր համայնքապետ, ով չի ունենալու ավագանիների մեծամասնությունը և պարզապես չի կարողանալու աշխատել։
Նա, ով պատրաստ չէ, որևէ զիջումների գնալ՝ կամա թե ակամա սպասարկում է իշխանությունների շահը»։
