Երեւանի ավագանու այսօրվա նիստում «Ազգային առաջընթաց» խմբակցության ավագանու անդամ Հայկ Գրիգորյանն անդրադարձավ Արշակունյաց պողոտայում «Ջերմուկ գրուպի» կողմից կառուցվող էլիտար շենքերին։
Նա ասաց, որ այնտեղ խախտումներ կան, 100-200 հազարով տուգանվում են եւ շարունակում շինարարությունը։
«Այդտեղ բնակարան ունեն Սուրեն Պապիկյանը, կառավարության այլ պաշտոնյաներ։
Ի՞նչ է նախատեսվում տեղական տուրքերի մասով, ընդունել այնպիսի կարգավորումներ, որ հնարավոր լինի կասեցնել նման գործընթացը»։
Նշենք, որ «Ջերմուկ գրուպը» պատկանում է նախկին ՀՀԿ-ական Աշոտ Արսենյանին, որը 2018֊ին առաջին լքեց հանրապետականների շարքերը եւ աջակցեց իշխանափոխությանը։
