«Ինչ ասես՝ կարող են խոսել. էս վերջերս լսել եմ, ասում են, որ տրանսպորտի ինքնարժեքը մեկ ուղեվորափոխադրման համար 65 դրամ է, չեմ պատկերացնում՝ այդ թվերը որտեղի՞ց են վերցնում»,- գործակարգավարական խորհրդակցության ժամանակ ասաց քաղաքապետ Տիգրան Ավինյանը՝ արձագանքելով ավագանու «Մայր Հայաստան» խմբակցութան անդամների ներկայացրած թվերին․ «Կարող էին ասել 6 դրամ, որն ավելի լավ է հնչում։ Մինչդեռ իրականում «Երևան ավտոբուս» ՓԲԸ-ի ծախսն ամսական մոտավորապես 1,8 միլիարդ դրամ է, էլ չեմ հաշվում գնված ավտոբուսները։ 200 դրամից ավելի է գալիս ինքնարժեքը։ Մենք ունենք արված աշխատանքը ներկայացնելու խնդիր, երբ մենք չենք խոսում, խոսում են մանիպուլյացիայի լեզվով։ Իսկ սուտը երբ անընդհատ կրկնում են, մարդիկ կարող են որպես ճիշտ ընդունել։ 1990-ականների վերջից 100 դրամ վճար ենք ունեցել, հիմա մարդիկ ուզում են համոզել, որ նոր 12 մետրանոց գերմանական ավտոբուսներով, նոր պարկով հնարավոր է մարդկանց 65 դրամով տեղափոխել, ասում են՝ դա է ինքնարժեքը»,- ասաց Ավինյանը։
