Թուրքիայի Բալըքեսիր նահանգում 4.9 մագնիտուդով երկրաշարժ է գրանցվել։ Այս մասին կիրակի օրը հայտնել է Թուրքիայի աղետների կառավարման վարչությունը (AFAD)։
CNN Turk-ի փոխանցմամբ՝ երկրաշարժը տեղի է ունեցել 7 կմ խորության վրա և զգացվել է Ստամբուլում և Իզմիրում։ Օգոստոսի կեսերին ևս Բալըքեսիրում տեղի էր ունեցել 6.1 մագնիտուդով երկրաշարժ։ Երկրաշարժը Սընդըրի շրջանում մեկ շենքի փլուզման պատճառ էր դարձել և վնասել էր ավելի քան 20 այլ շենքեր։
