Նոյեմբերյանի պետական քոլեջի ուսանողին դաժան ծեծի և նվաստացման ենթարկած դեռահասներն ազատության մեջ են։
Քննչական կոմիտեից Aysor.am-ին ասացին, որ դեպքի առթիվ նախաձեռնվել է քրեական վարույթ խուլիգանության հոդվածի հատկանիշներով, վարույթի շրջանակում 5 անձի նկատմամբ հարուցվել է հանրային քրեական հետապնդում։
«Հանրային քրեական հետապնդում է հարուցվել 5 անձի նկատմամբ, մեկ անձի նկատմամբ որպես խափանման միջով կիրառվել է վարչական հսկողություն և բացակայելու արգելք»,-ասացին ՔԿ-ից։
Հիշեցնենք, որ երեկ համացանցով տեսանյութ էր տարածվել, որտեղ երևում էր, թե ինչպես են մի խումբ դեռահասներ դաժան ծեծի և նվաստացման ենթարկում մեկ այլ տղայի։ Հետագայում պարզվեց, որ բռնություն ենթարկողները Զորականի դպրոցի բարձր դասարանի աշակերտներն են, իսկ ծեծի ենթարկվող տղան՝ Նոյեմբերյանի պետական քոլեջի ուսանող։
