Մոսկվան փոխզիջման հնարավորություն չի տեսնում ուկրաինական տարածքում եվրոպական խաղաղապահների տեղակայման հարցում, հայտարարել է ՌԴ ԱԳՆ ղեկավար Սերգեյ Լավրովը։
«Այս քննարկումը (խաղաղապահների տեղակայման) անցկացվում է բացահայտ թշնամական նպատակով, և նրանք չեն թաքցնում, թե ինչի համար է դա իրենց պետք»,-մամուլի ասուլիսում ասել է Լավրովը։
Նախարարի խոսքով՝ ռուսական կողմը «այդ զորքերի ներկայությունն ուկրաինական տարածքում կդիտարկի այնպես, ինչպես դիտարկում է ՆԱՏՕ-ի հնարավոր ներկայությունն Ուկրաինայում»։
«Մենք կտրականապես դեմ ենք նման քայլին։ Սա կնշանակի, նորից կցանկանայի նշել, այլևս ոչ թե հիբրիդային, այլ ՆԱՏՕ-ի երկրների ուղղակի, պաշտոնական, անթաքույց ներգրավվածություն ՌԴ-ի դեմ պատերազմում։ Դա չի կարելի թույլ տալ»,- ասել է Լավրովը։