Արդեն 7-րդ օրն է Երևանում ուղեվարձի թանկացման դեմ ակցիաներ են ընթանում։ Իրազեկման ակցիաներն են իրականացնում ավագանու «Մայր Հայաստան» խմբակցության անդամները, նախկին քաղաքապետ Հայկ Մարությանը՝ իր թիմակիցների հետ, «ՀայաՔվե»-ի անդամները, ուսանողներ։ Նրանք կոչ են անում բոյկոտել, երթևեկել անվճար կամ վճարել 100 դրամ՝ ստիպելով քաղաքային իշխանություններին՝ վերանայել հանրային տրանսպորտի ուղեվարձի թանկացման որոշումը։
