Անհետ կորածների հարազատները շարունակում են փակ պահել Բաղրամյան պողոտան։ Նրանք պահանջում են, որպեսզի ԱԱԾ նախկին տնօրեն Արմեն Աբազյանը վերականգնվի պաշտոնում, կամ նոր պաշտոնակատարը հանդիպի իրենց հետ՝ հավաստիացնելով, որ իրենց որդիների հարցերով զբաղվող հանձնաժողովը շարունակելու է նույն տեմպով աշխատել։
«Մեր պահանջը նույնն է, մենք ուզում ենք իմանալ ո՞վ է Աբազյանից հետո զբաղվելու մեր երեխեքի հարցերով։ Թող գա ասի՝ ես եմ, գա ծանոթանանք, գնանք մեր տները։ Կամ մեկը թող գա ասի՝ ի պաշտոնե դեռ ոչ ոք չկա, հասկանանաք մեր անելիքները»,- ասում են նրանք։
