ԱԺ փոխխոսնակ Ռուբեն Ռուբինյանը ֆեյսբուքյան իր էջում գրառում է կատարել՝ անդրադառնալով Վաղարշապատի ՏԻՄ ընտրություններում «Քաղաքացիական պայմանագիր» կուսակցության տարած հաղթանակին:
«Շնորհավորում եմ Արգիշտի Մեխակյանին փայլուն հաղթանակի կապակցությամբ:
Օրը բարի չէր իրենց լրագրող կոչող վարձկանների, ռուսաստանցի բիզնեսմենի, Քոչարյանի, Սարգսյանի, Տեր-Պետրոսյանի և Կտրիճ Ներսիսյանի համար, քանի որ Վաղարշապատը պաշտպանեց ժողովրդավարությունը, անկախությունն ու խաղաղությունը:
2026-ին նույնը պիտի անենք ամբողջ Հայաստանում»,- գրել է Ռուբինյանը:
Կենտրոնական ընտրական հանձնաժողովն ամփոփել է Արմավիրի մարզի Վաղարշապատ համայնքի ավագանու ընտրությունների նախնական արդյունքները՝ բոլոր 47 տեղամասերից:
«Քաղաքացիական պայմանագիր» կուսակցությունը ստացել է 15 հազար 298 քվե:
Նոյեմբերի 16-ին Վաղարշապատի ՏԻՄ ընտրություններում ՔՊ կուսակցության ցուցակը գլխավորել է Արգիշտի Մեխակյանը:
