Խառը մենամարտերի թեթև քաշային կարգում UFC դասակարգման առաջատար Արման Ծառուկյանը մանրամասնել է, թե որքան գումար է ծախսել Իսլամ Մախաչևի դեմ մենամարտից առաջ։
«Վերջին հավաքի ժամանակ թիմս բաղկացած էր 15 հոգուց՝ 4 մարզիչ և 11 սպարինգ գործընկեր: Երկու շաբաթն ինձ համար արժեցել է 20 հազար, մեկ ամիսը՝ 40 հազար դոլար։ Գումարած թռիչքները, մարզիչների աշխատավարձը մոտ 15-16 հազար դոլար»,- ասել է Ծառուկյանը JAXXON Podcast-ին տված հարցազրույցում։
Հիշեցնենք՝ Ծառուկյանի մեջքի վնասվածքի պատճառով նրա և Իսլամ Մախաչևի մենամարտը չեղարկվել էր:
