Կառավարության հերթական նիստին ԱԳ նախարար Արարատ Միրզոյանն անասնաբուծության զարգացման ծրագրի քննարկման ժամանակ լուծում առաջարկեց, թե արդյո՞ք ճիշտ չի լինի, եթե պետությունը ոչ թե սուբսիդավորի ձեռք բերվող խոշոր եղջերավոր անասուների կես գինը, այլ ձեռք բերի ճիշտ տեսակի անասուններ, ապա կես գնով տա գյուղացիներին։
Արձագանքելով Միրզոյանի հայտարարությանը՝ Փաշինյանն ասաց. «Հետո էդ գլխաքանակը պետությունը որտեղ պահի։ Է, կսատկեն կեսը։ Դա նշանակում է, որ պետությունը թեկուզ մեկ շաբաթով պետք է անասնապահությամբ զբաղվի, ո՞վ անի, ավելի լավ է՝ ԱԳՆ-ն իր գործով զբաղվի»։
