ԱԺ «Քաղաքացիական պայմանագիր» խմբակցության պատգամավոր Արսեն Թորոսյանի ֆեյսբուքյան գրառումը․ «Շատ հետաքրքիր տեխնոլոգիա են կիրառում Ասողիկներն ու յուր ընկերները։ Ամեն կերպ խուսափում են անդրադառնալ իրենց սրբապիղծ ղեկավարի կողմից եկեղեցական իշխանության ուզուրպացիային և միևնույն ժամանակ արդեն որերորդ անգամ ինչ-որ երևակայական հարձակումներ են մոգոնում Մայր Աթոռի նկատմամբ և անձնվիրաբար պայքարում դրանց դեմ։ Գիշերն էլ ինչ-որ անեծքներ է հղել այդ երևակայական հարձակման մասնակիցներին։
Ու այս մարդկանց թվում է, որ իրենց ասածը «տեղ է հասնում»։ Որերո՞րդ անգամ եք գուժում հարձակման մասին, բայց այն տեղի չի ունենում։ Որերո՞րդ անգամ եք պաշտպանում Էջմիածինը ձեր ասած «սրբապղծությունից», որը կրկին տեղի չի ունենում։
Եվ ի վերջո դեռ ինչքա՞ն եք պաշտպանելու ձեր իսկ սուրբ կանոնները խախտած մարդուն։ Ինչքան երկար պաշտպանեք, այնքան ոտնատակ եք տալու ձեր իսկ եկեղեցու սրբությունը։ Սա եք դուք»։
