Դեռևս 2023թ-ին ձևավորված Սահմանադրական փոփոխությունների հանձնաժողովը սեպտեմբերից ի վեր նիստ չի արել։
Այսօր արդարադատության նախարար Սրբուհի Գալյանը հայտարարեց, որ մինչև հաջորդ ընտրությունները պետք է Սահմանադրության նոր տեքստ մշակել, և այս ուղղությամբ աշխատանքներ են ընթանում։
Հիշեցնենք, որ Սահմանադրական փոփոխությունների հանձնաժողովի վերջին նիստը կայացել է սեպտեմբերի 20-ին։
Չնայած Ադրբեջանական կողմի ամենօրյա պահանջին, նախարար Գալյանը վստահեցնում է՝ ո՛չ ուղղակի, ո՛չ անուղղակի կապ սահմանադրության նոր տեքստի և այլ երկրների հայտարարությունների հետ չկա և չի կարող լինել։
Նոր Սահմանադրության մշակման մեկնարկը տվել է Նիկոլ Փաշինյանը, ով իր ելույթներում բազմիցս տեսակետ է հայտնել, թե երկրին հարկավոր է նոր Սահմանադրություն։
Ըստ Փաշինյանի՝ ՀՀ Սահմանադրությունը մնում է հիմնարար պրոբլեմ մեր երկրի համար:
