Վարչապետ Նիկոլ Փաշինյանն այսօր ո՛չ հերքեց, ո՛չ էլ հաստատեց տեղեկությունն այն մասին, որ Ադրբեջանից Հայաստան վերադարձած գերիներից Գևորգ Սուջյանը կարող է ՔՊ-ի նախընտրական ցուցակում լինել։
«Հայաստանի Հանրապետությունը ժողովրդավարական պետություն է, այստեղ քաղաքականությամբ կարող է զբաղվել ցանկացած ոք, ով ուզում է զբաղվել քաղաքականությամբ»,- ի պատասխան՝ ասաց նա։
Հիշեցնենք՝ «Հրապարակ» օրաթերթը գրել էր՝ տեղեկություն ունեն, որ Սուջյանին առաջարկվել է առաջիկա ընտրություններին մասնակցել ՔՊ կուսակցության ցուցակով։
