Ռուսաստանի նախագահ Վլադիմիր Պուտինը Պետդումայում ՌԴ վարչապետի պաշտոնում առաջադրել է Դաշնային հարկային ծառայության ղեկավար Միխայիլ Միշուստինի թեկնածությունը: Այս մասին հաղորդում է Կրեմլի մամուլի ծառայությունը, գրում է ria.ru-ն:
Պետդուման հունվարի 16-ին կայանալիք նիստում կքննարկի Կառավարության ղեկավարի պաշտոնում Միշուստինի թեկնածությունը:
«Նախագահ Վլադիմիր Պուտինը աշխատանքային հանդիպում է ունեցել Միխայիլ Միշուստինի հետ և նրան առաջարկել զբաղեցնել կառավարության ղեկավարի պաշտոնը: Ստանալով համաձայնություն՝ Միշուստինի թեկնածությունը վարչապետի պաշտոնում ներկայացվել է Պետդումայի քննարմանը»,- ասված է հաղորդագրության մեջ:
Նշենք, որ ՌԴ նախագահի հետ հանդիպման ժամանակ Մեդվեդևը հայտնել է կառավարության հրաժարականի մասին:
Լրատվամիջոցներում տեղեկություններ են տարածվել, որ Միխայիլ Միշուստինը կիսով չափ հայ է:
Այս ամառ Միշուստինը այցելել է Հայաստան, որտեղ մասնակցել է Տեղեկատվական տեխնոլոգիաների համաշխարհային WCIT-2019 համաժողովին, այնուհետև այցելեց հայկական ամենահայտնի դպրոցներից մեկը՝ «Այբ»:
