Կրեմլից հայտնել են, որ ՌԴ նախագահ Վլադիմիր Պուտինի ծննդյան առթիվ ոչ մի շնորհավորական ուղերձ չեն ստացել ԱՄՆ-ի և Ուկրաինայի նախագահներ Դոնալդ Թրամփից և Վլադիմիր Զելենսկուց:
Ինչպես հայտնում է Gazeta.ru-ն, Կրեմլից ընդգծել են նաև, որ երբեմն ուշացումների պատճառով շնորհավորական ուղերձները կարող են ուշ տեղ հասնել:
Հիշեցնենք, որ իր 67-ամյակը Պուտինը նշել է հոկտեմբերի 7-ին:
«Մինչև օրվա ավարտը հոկտեմբերի 7-ին ես ստացված շնորհավորանքների մեջ չեմ նկատել ուղերձ Թրամփից և Զելենսկուց: Դրանք կամ չկան, կամ կարող են ուշացումով տեղ հասնել: Երբեմն դիվանագիտական ալիքներով դրանք կարող են ուշ տեղ հասնել: Կամ ընդհանրապես կարող են տեղ չհասնել»,- ասել է ՌԴ նախագահի մամլո քարտուղար Դմիտրի Պեսկովը:
Վերջինս ավելի վաղ հայտել էր, որ իր ծննդյան տարեդարձը ՌԴ ղեկավարը նշել է ընկերների և հարազատների շրջանում, իսկ առավոտից շնորհավորականքներ է ստացել արտասահմանցի գործընկերներից:
Հիշեցնենք, որ այսօր ավելի վաղ ԱՄՆ-ի Լոս Անջելես քաղաքի բնակիչները համացանցում ակտիվորեն լուսանկարներ և տեսանյութեր էին հրապարակում, որոնցում երևում է, թե ինչպես է անհայտ անձն ինքնաթիռով պտույտներ կատարում հոլիվուդյան երկնքում՝ գրելով VVP67 հեշթեգը:
