Սեպտեմբերի 24-ին Հանրապետական ծննդատանը մահացել էր Կոտայքի մարզի բնակչուհի, 2 երեխաների մայր, 33-ամյա Հայկուհի Խաչատրյանի նորածինը: Նորածնին չտեսած մորը անանուն զանգով տեղեկացրել էին, որ նորածնի մարմինը դատաբժշկական փորձաքննության չեն ուղարկել։ Նորածնի ծնողները վստահ են, որ երեխան ողջ է:
Եվ ահա մահացած նորածնի մայրը՝ Հայկուհի Խաչրատրյանը ֆեյսբուքյան իր էջում գրել է.
«Չնայած լավ լուրի հույս չունեմ , բայց …
Ընկերներ ինձ ուժ տվեք , պիտի գնամ երեխայիս մասին լուր իմանալու ։ Տեղը հայտնել են։ Իմ ձեռքով կարված իրերը ձեռքիս են ։ Չգիտեմ նրան ողջ , թե մահացած կտեսնեմ ։
Տականքներ դուք հատ հատ պատասխան էք տալու …»:
Հայկուհին հրապարակել է նա իր ձեռքով կարված, ծննդատնից նորածնին դուրս գրման համար նախատեսված իրերի լուսանկարները, որոնք այդպես էլ չօգտագործվեցին։
Ծնողները չեն գտնում իրենց երեխայի դին. «Հանրապետական ծննդատան» դեպքի հետ կապված նախարար Արսեն Թորոսյանի պարզաբանումը՝ այստեղ:
