Երևանի ընդհանուր իրավասության դատարանի Ավան և Նոր Նորք նստավայրի բակում իրավիճակը շարունակում է լարված մնալ: Հիշեցնենք՝ այնտեղ ընթանում էր ՀՀ երկրորդ նախագահ Ռոբերտ Քոչարյանի գործով դատական նիստը:
Ռոբերտ Քոչարյանին իր զորակցությունը հայտնելու էր եկել ԱԺ նախկին պատգամավոր Աղվան Վարդանյանը: Նա նշեց, որ շատերն ասում են, որ մարտիմեկյան դեպքերի ժամանակ Լևոն Տեր-Պետրոսյանը կարող էր գալ և խաղաղեցնել ցույցը.«Բայց ես ասում եմ, որ նա չէր գալու: Նրա նպատակը հենց դա էր: Նա ասում էր՝ թող ոչ մի զոհ չպահանջվի ինձնից բացի, բայց դա ասում էր խոսքով, գործով դա չէր անում»:
