Որոշ լրատվականներ իրենց անիրականանալի երազանքը փորձում են ներկայացնել որպես իրականություն
Լրատվական կայքի առաջին հիմնական գործառույթը հանրությանը ճշգրիտ տեղեկություն մատուցելն է: Սակայն որոշ լրատվականների մոտ բացահայտ պակասում է էթիկայի նորմերի պահպանումը, բացի այս սկսում են տարածել անորակ ու կեղծ լուրեր, որի միջոցով ներգործում են մարդու կենսական դիրքորոշման վրա:
Վերջերս լրատվականների հրապարակումների մեծ մասը հիմնականում միտված է Գագիկ Ծառուկյանի և Նիկոլ Փաշինյանի փոխհարաբերությունների մեջ կեղծ և արհեստական լարվածություն ստեղծելուն: Իրականությունից զատ, ամեն կերպ որոշ լրատվականներ ամեն ինչ ներկայացնում են խեղաթյուրված և իրեն սպասարկող քաղաքական ուժի հովանավորությամբ փորձում այլ կերպ ներկայացնել իրականությունը:
Նաև չենք էլ մոռանում, թե ով է «մեջք ու դուխ տալիս» տվյալ լրատվականին՝ իրականացնելու նման մանիպուլյացիաներ: Չգիտեմ, միգուցե սա խանդի դրսևորում կամ նախանձի պոռթկում է այս երկու քաղաքական գործիչների հարաբերությունների նկատմամբ, բայց ինչևէ այս ամենը փաստում է միայն մեկ բան, որ այսպիսի լրատվականները արդեն դուրս են գալիս իրենց «ռամկաներից»: Բոլորս էլ լավ գիտենք, որ այս երկու կողմերն էլ, քաղաքականապես հասուն և երկար քաղաքական ճանապարհ անցած գործիչներ են և ինչքան էլ նման սադրիչ լրատվականները փորձեն իրենց պրիմիտիվ քայլերով սրել իրավիճակը և խեղաթյուրել հասարակության միտքը, միևնույն է չի ստացվի:
Գնալով զավեշտի է վերածվում այս ամենը այն կոնտեքստում դիտարկված, որ անկախ նրանից, թե ինչ պրոցես է ընթանում դաշտում, ինչ թեմաներ են շոշափվում, միևնույնն է տվյալ լրատվականները շարունակում են աղաղակել այս թեմայով: Հանգստացեք, Ձեր՝ «սպամերին» հատուկ գործելաոճը, ուղղակի չի կարող արդյուքն ապահովել, դա սպառված գործիքակազմ է:
Դինա Էլբակյանի ֆեյսբուքյան էջից
