ՀՀ արտաքին գործերի նախարարությունը իր ֆեյսբուքյան էջով տեղեկացնում է, Մեքսիկայում ՀՀ դեսպանության նախնական տվյալներով՝ Մեքսիկայում տեղի ունեցած երկրաշարժից տուժածների շրջանում ՀՀ քաղաքացիներ չկան:
Հիշեցնենք, որ Մեքսիկայի Մորելոս նահանգում տեղի է ունեցել 7.1 բալլ ուժգնությմաբ երկրաշարժ : Մեքսիկայի նախագահ Էնրիկե Նիետոն հայտարարել է, որ ցնցումն ավելի ուժգին է եղել, քան 1985թ. հազարավոր մարդու կյանք խլած երկրաշարժը, իսկ երկրի ներքին գործերի նախարարը Մեխիկոյում արտակարգ իրավիճակ է հայտարարել։
