Բարեգործության դուռը բացելը դժվար է, բայց առավել դժվար է այն փակելը: Հենց այս մղումով 2002 թվականին էր, որ մեր հայրենակից Հայկ Մելիքյանի նախաձեռնությամբ Ֆրանսիայում բացվեց «Bonheur Retrouvé» բարեգործական ասոցիացիան, որը տարիների ընթացքում իր կազմում համախմբեց մարդկանց, ովքեր առավել նրբանկատորեն կարողացել և կարողանում են զգալ ուրիշի ցավը, տեր կանգնել այլոց խնդիրներին` չճանաչելով ազգություն ու հեռավորություն: Այս տարիների ընթացքում «Bonheur Retrouvé» -ն, որն հայերեն թարգմանությամբ նշանակում է վերգտած երջանկություն, ճեղքել է աշխարհի բոլոր անկյունները, և Աֆրիկայից մինչև մայր հայրենիք շատ- շատերին ստիպել` ուժ գտնել իրենց մեջ ու վերգտնել երբեմնի իրենց բաժին երջանկությունը: Ասոցացիայի կանգառն այս տարի հենց Փարիզում է, խորհրդանշական մի քաղաքում, ուր ճիշտ 15 տարի առաջ ծնունդ առավ բարեգործական այս կազմակերպությունը: Իր հոբելյանական գոծունեության շրջանակում ասոցացիան այս տարվա հոկտեմբերի 20-ին Փարիզի Ռոսսինի սրահում մեծ միջացառում է անցկացնելու`առանցքում ունենալով ծնողազուրկ երեխաներին:Եվս մեկ օր, որը կստիպի այդ փոքրիկներին հակադրվելու իրենց բաժին հասած որբության դառնությանը:
Հենց այդ փոքրիկներն են մեր այսօրվա ու վաղվա ապագան , և ուրեմն միասին, ամեն մեկս մեր մեծ ու փոքր ներդրմամբ փորձենք լուսավոր դարձնել մեր այսօրն վաղը`հորդոր որն ուղղում է ասոցացիան բոլորին.
«Հարգելի Տիկնայք և Պարոնայք, Փարիզի 9-րդ շրջանում գտնվող« «Bonheur Retrouvé» ասոցիացիան սիրով Ձեզ տեղեկացնում է, որ 2017 թվականի հոկտեմբերի 20-ին, ժամը 19-ին տեղի կունենա ֆրանսիացի երեխաներին նվիրված միջոցառում: Սա միջազգային ծրագիր է, մասնակցությամբ տարբեր երկրներից հրավիրված տաղանդաշատ երիտասարդների: Նրանք 9-15 տարեկան ծնողազուրկ երեխաներ են, ովքեր գալու են ֆրանսիացի երիտասարդ հանդիսատեսի հետ կիսելու իրենց փորձն ու մշակույթը:
Ընկերության և սիրո վրա հիմնված այս հրաշալի ծրագրի իրագործման շրջանակներում, Փարիզի 9-րդ շրջանի քաղաքապետարանը մեզ անվճար տրամադրել է Ռոսսինիի սրահը(La salle Rossini) : Այսօր մենք Ձեր ֆինանսական օգնության և աջակցության կարիքն ենք զգում: Նույնիսկ փոքր ներդրումների պարագայում, մենք կարող ենք կյանքի կոչել ծնողազուրկ երեխաների համար երազանք դարձած այս փոքրիկ շրջագայությունը: Կանխավ շնորհակալություն եմ հայտնում Ձեր ըմբռնման և աջակցության համար:
Մեզ օգնել ցանկացողները կարող հետևել մեր ինտերնետային կայքին ( http://bonheurretrouve.fr/), ինչպես նաև կարող եք գտնել մեզ Ֆեյսբուքում և ՅուԹուբում:
Շնորհակալություն և մինչ նոր հանդիպում»: