Նախաձեռնել հայրենադարձության գործընթաց և ֆինանսական ներուժի ներգրավում դեպի Հայաստան

Սույն հռչակագրի տեքստը մշակվել է Սփյուռքում գործող և վերջին շաբաթներին հսկայական հետաքրքրություն ցուցաբերած կազմակերպությունների, միավորումների, միությունների ցանկը մեկ միասնական փաստաթղթում ամրագրելու համար:
Տեքստը ներկայացվել է Համաժողովրդական շարժման հանրահավաքի ժամանակ 2018 թվականի մայիսի 2-ին:

Հռչակագիր

Մենք՝ Սփյուռքի ներքոստորագրյալ համայնքային կազմակերպություններս, միություններս և միավորումներս,

Ողջունելով Հայաստանում և Սփյուռքում ծավալվող համաժողովրդական շարժումը,

Կարևորելով շարժման արդյունքում առաջացած աննախադեպ համախմբումը և ներուժի օգտագործումն ի շահ Հայաստանի Հանրապետության,

Արձանագրելով, որ #ԻմՔայլը նախաձեռնությունը և ժողովրդի վարչապետի թեկնածու Նիկոլ Փաշինյանն այս պահին Հայ ժողովրդի շահերի միակ ներկայացուցիչներն են,

Մեր աջակցությունն ենք հայտնում #ԻմՔայլը նախաձեռնությանը և Նիկոլ Փաշինյանին, շարունակում ենք միասնական պայքարը Հայաստանում օրինական և ժողովրդավարական իշխանություն ձևավորելու ուղղությամբ, նախաձեռնության հաղթանակի և Նիկոլ Փաշինյանի՝ վարչապետ դառնալուց հետո նախաձեռնում ենք Մեծ հայրենադարձության գործընթացը և Սփյուռքի մտավոր և ֆինանսական ներուժի ներգավումը հանուն Հայաստանի Հանրապետության առաջընթացի:

Սույն հայտարարությունը բաց է Սփյուռքի բոլոր կազմակերպությունների, միությունների և միավորումների համար (խնդրում ենք որոշման մասին տեղեկացնել Քաղաքացիական պայմանագիր կուսակցության ֆեյսբուքյան էջին կամ նամակ ուղարկել [email protected] հասցեով՝ նշելով ձեր կոնտակտները):

Քաղաքացիական պայմանագիր կուսակցություն