Իսպանիայի իշխանությունները Մագալուֆ հանգստավայրում ավելի քան 100 մարդու են տուգանել հանրային սեքսի եւ մերկապարի համար: Mirror-ը հայտնում է, որ միայն հունիսին հանրային վայրերում սեքսի համար 18 տուգանք է գրվել: Մերկ կամ կիսամերկ վիճակով փողոց դուրս գալու համար 34 մարդ է տուգանվել:
Ընդհանուր առմամբ անկարգ զբոսաշրջիկներն ավելի քան 16 հազար դոլար տուգանք են վճարել անպարկեշտ վարքի համար: Թեպետ նրանց ազգությունը չի նշվում, սակայն թերթը հավելում է, որ Մագալուֆը հատկապես հռչակ է վայելում բրիտանացիների մոտ: