Մեր կողմնակիցներին, ժողովրդի իշխանության բոլոր կողմնակիցներին հենց հիմա հրավիրում եմ Հանրապետության հրապարակ։ Այս մասին ֆեյսբուքյան ուղիղ եթերի ժամանակ ասաց ՀՀ վարչապետ Նիկոլ Փաշինյանը։
«Մենք բավական բարդ իրավիճակում ենք գտնվում։ Երեկ և այսօր որոշումներ եմ կայացրել պաշտոնից ազատել ԶՈՒ ԳՇ պետի տեղակալի առաջին տեղակալին և ԳՇ պետին։ Թղթերն արդեն ստորագրել եմ, որից հետո արդեն հետևել է ԳՇ հայտարարությունը, որով զինվորականները պահանջում են իմ հրաժարականը։ Ինչն է նման քայլի պատճառը։ Ես այդ արձանագրումն եմ ուզում անել Հանրապետության հրապարակում»,-ասաց վարչապետը։
