Search
Close this search box.

ՏԵՍԱՆՅՈՒԹ․ Արյան հետքեր լվացքի մեքեայի մեջ․ 1,5 տարեկան փոքրիկին այդպես են սպանել

Ադրբեջանցի փոքրիկին սպանել չկարողացող հասարակության անտարբերությունը մոտ երկու շաբաթ առաջ սպանեց մեկուկես տարեկան հայ տղայի: Ողբերգության հասցեն Նոր Խարբերդն է: Մասիսի այդ գյուղում դեպքի հաջորդ օրը Հայլուրը նկարհանումներ էր արել, պարզել մանկասպանության մանրամասները: Մենք անկեղծ սպասում էինք, որ օգնության հազարավոր ձեռքեր պետք է մեկնվեն այդ ընտանիքին, որտեղ նաև ապրում են երկու անչափահաս քույրեր:

Դեպքից մոտ երկու շաբաթ է անցել, բայց անգամ սոցիալական աշխատողները չեն այցելել այդ տուն՝ մեծ հարցականի տակ դնելով Հայաստանի՝ սոցիալական պետություն լինելու սահմանադրական դրույթը:

Կյանքի հատակում հայտնված ընտանիքների նկատմամբ պետության, հասարակության սպանող անտարբերության պատճառով ամեն տարի մի քանի մեծ ողբերգություն է ապրում Հայաստանը:

Հիշում եք, գողության դուրս եկած պռոշյանցի անչափահասների ընտանեկան դրաման , որը հանրային հնչեղություն ստացավ երիտասարդ ոստիկանի կյանքի գնով: Դա երկու տարի առաջ էր: Խոսեցինք, հուզվեցինք ու մոռացանք:

Ինչպես մոմոռացանք մկնդեղից թունավորված խաշթառակցի յոթ երեխաներին, որոնից ամենափոքրին՝ 6 տարեկան Սերգեյին, բժշկները չկարողացան փրկել:

Ի՞նչ եղավ հրաշքով ողջ մնացած փոքրիկների հետ, անչափահաս երկու գողերին մայրը, որին զրկել էին ծնողական իրավունքից, ինչպես է մանկատնից վերցրել իր մյուս երկու երեխաներին և ի՞նչ ճակատագիր է սպասվում Նոր Խարբերդում մանկասպանության ականատես անչափահաս աղջիկներին: Դիտենք Գայանե Բալայանի եռապատումը