Ինչպես արդեն հայտնել ենք, անհետ կորած զինծառայողների հարազատները փակել են Տիգրան Մեծ փողոցը:
Քիչ առաջ ծնողների մոտ եկավ վարչապետի օգնական Նաիրի Սարգսյանը: Սարգսյանն ասաց, որ ինքը ներկա է եղել վարչապետի աշխատակազմի ղեկավար Արսեն Թորոսյանի հետ ունեցած խոսակցության: Նա հերքեց այն տեղեկությունները, որ Թորոսյանն ասել է, որ ծնողները պետք է շնորհակալ լինեն 5 գերիների վերադարձի համար:
«Նման բան չի եղել, խոսակցությունն այլ կերպ է եղել: Կարող եմ երդվել»,-ասաց նա:
Սարգսյանը խնդրեց բացել ճանապարհը, սակայն ծնողները մերժում են: Նրանք պահանջում են, որ ներկայանա Արսեն Թորոսյանը:
