Հայաստանի պաշտպանության նախարարությունը հայկական գյուղում ադրբեջանցիների հայտնվելու մասին

Հայաստանի Զինված ուժերի Գլխավոր շտաբը հերքել է Facebook-ի հայկական հատվածում տարածված տեղեկությունն այն մասին, որ ադրբեջանցի զինվորականներ են նկատվել հայկական Ներքին Խնձորեսկ գյուղում: Այս մասին փոխանցում է news.am-ը։

News.am-ի հարցմանն ի պատասխան՝ ԳՇ տեղեկատվության վարչության պետ Սամվել Ասատրյանը հայտնեց, որ նման տեղեկատվությունը չի համապատասխանում իրականությանը:

Նշենք, որ Facebook-ի հայկական հատվածում հայտնվել է տեղեկատվություն այն մասին, որ ադրբեջանական զորքերը մտել են Ներքին Խնձորեսկ գյուղ և պահանջում են ազատել այն: