ԱԺ պատգամավոր Արման Բաբաջանյանը ֆեյսբուքյան իր էջում գրել է․ «Ո՛չ հաղթանակը, ո՛չ պարտությունը հենց այնպես չեն տրվել մեզ: Ո՛չ հաղթանակից ենք ընդունակ եղել սովորել, ոտքի կանգնել, երկիր, պետություն դառնալ, ո՛չ աղետաբեր պարտությունից ենք ընդունակ դառնում սովորել կարգի բերել երկիրը, թափ տալ ինքներս մեզ և առաջ շարժվել…
Ո՛չ հաղթանակին ենք հավատացել, ո՛չ պարտությանն ենք լուրջ մոտենում:
Հաղթել և ամեն հաջորդ օրը մոտեցնել մահաբեր պարտությունը՝ թալանելով, կեղեքելով, սպանելով, հարստահարելով սեփական տունը, հեղափոխություն անելով, բայց հռչակված նպատակները իրագործելու հանցավոր անկարողություն հանդես բերելով…
Ո՛չ արժանապատվորեն հաղթել իմացանք, ո՛չ պարտվել…»:
