Ադրբեջանի նախագահ Իլհամ Ալիեւն ասել է, որ Բաքուն պատրաստ է նորմալ հարաբերություններ կառուցել Երեւանի հետ, եթե Հայաստանում իշխանության գան «առողջ ուժեր»:
ՌԻԱ «Նովոստին» հայտնում է, որ Ալիեւն այդ մասին ասել է ժողովրդին ուղղված ուղերձում: Նա ասել է, որ «ներկայում Հայաստանում խորը ներքին ճգնաժամ է»:
«Ամենայն հավանականությամբ, այդ ճգնաժամից հետո Հայաստանում իշխանության կգան առողջ ուժեր: Եթե այդպես լինի, մենք պատրաստ ենք նորմալ հարաբերություններ հաստատել», – ասել է Ադրբեջանի նախագահը:
