«ԲՀԿ», «Հայրենիք», «ՀՅԴ» կուսակցությունների ղեկավարները հանդիպել են ՀՀ Զինված ուժերի գլխավոր շտաբի պետի հետ

Սիրելի՛ հայրենակիցներ,
«Բարգավաճ Հայաստան», «Հայրենիք», «Հայ Յեղափոխական Դաշնակցություն» կուսակցությունների ղեկավարները հանդիպել են ՀՀ Զինված ուժերի գլխավոր շտաբի պետի հետ։ Հանդիպման ընթացքում քննարկվել է երկրում ստեղծված իրավիճակը։ Մասնակիցները կարևորել են մեր երկրի կայունությունը, պետությունը ցնցումներից զերծ պահելու առաջնահերթությունը։ Կոչով դիմում ենք մեր ժողովրդին՝ հորդորում պահպանել հանդարտություն և հանգստություն․ մենք դեռ պատերազմի մեջ ենք։ Քաղաքական կուսակցություններն իրենց անվերապահ աջակցությունն են հայտնում Հայաստանի զինված ուժերին, Արցախի պաշտպանության բանակին։ Քաղաքական ուժերը նաև իրենց հերթին վստահեցնում են, որ խորհրդակցելով գործընկեր կուսակցությունների հետ, առաջիկա ժամերին հանդես կգան առկա իրավիճակի լուծման առաջարկներով։